Bill Gates: Ka Thih Tikah Ka Ngeihmi Phaisa Cu Mi Sifak Bawmhnak Caah Ka Pek Lai

Zapi nih Kan theih ciomi Microsoft dirhtu mirum minthang Bill Gates, Kum 60 a si cangmi nih a fale 3 hna sinah a thinlung chungah a ummi a chimh hna. Ka thih tikah ka ngeihchiah chungin US $ 85.4 billion cu misifak hna bawmhnak ah ka pek/hluut lai tiah a ti hna.

Bill Gates nih cun vawlei cung mi sifak cem a simi hna sinah mah bantukin phaisa pekchanh le hluut dingah biakhiahnak ka ngeihmi cungah ka fale hna nih an lung an ka tlinpi caah kai uangthlar tuk hna tiah a ti.

Mah bantukin phaisa billion dollar tampi hi hmailei caah ichiah sawhnak cha in cun ka fanu pahnih le ka fapa pakhat hna hi anmah kutke tein an chanchungah an dir khawhnak ding caah a sangmi fim cawnnak tu cawnter ka duh deuh hna tiah a ti.

Ka fale hna nih a sangmi fimnak le phaisa zeimawzat an ngeih ko ahcun zeitikhmanhah an si a fak kho lai lo, anmah kutke tein an chanchung an dir kho ko lai a ti. Kan fale nih rum lian tukin khua an sak ahcun, an rawhnak le lam an pialnak a si sual lai a ti.

Gates le a nupi Melinda hna nih cun fa pathum, Jennifer, kum 20, Rory kum 17 le Phoebe kum 14 an ngeih hna.

Bill Gates nih cun a rumnak ngeihchiah chungin a cheuchum cu a fale hna sinah pek i, a tangmi a dang poah cu mi sifak bawmhnak caah le Bill le Melinda Gates foundation caah chiah i, mah cu phaisa hna cu vawlei cung ngandamnak caah le fim cawnnak caah tiin pekchanh awkah timhtuahnak kan ngei tiah, a ti.