1MDB Phaisa Hmanung Bik Audit Kongah Najib An Tlaih Than

Tuni (10 Dec, 2018), zinglei suimilam 11 hrawngah Malaysia ram hruaitu hlun Datuk Seri Najib Tun Razak cu 1MDB fund he pehtlai in hnu bik Audit report an tuahnak kongah dothlatnak tuahtu hna nih an tlaih tiah Putrajaya in thawngthanhnak an tuah.

Najib cu zinglei suimilam 10:42 Am hrawngah MACC zung ngan bik chung i a luh lio cu hmuh a si. Mipi nih biahalnak tlawmpal an hun tuah minutes tlawmpal ah nawlngeitu hna nih an tlaih hi a si.

A si nain, aa-mah-khan (bail) phaisa a pek khawh a si ahcun thlah than khawh a si lai tiah MACC (Malaysian Anti-Corruption Commission) bu nih an langhter. Nov 25 lioah 1MDB final audit report tuahnak cu a ni rak thawn a si.

Zeicatiah 1MDB phaisa lohtlaunak kongah fir puhchih a simi Low Taek Jho (Jho Lo tiin theihmi) zong a um/tel ve a hau an ti caah a si tiah 1MDB phaisa lutchuak cheknak tuahtu sang bik a simi nu Auditor-General Tan Sri Madinah Mohamad nih a chim. TSO