Korea Nih, Ralzam Lak A Phih Than

2018 kum thok in Thlang Korea nih Malaysia um ralzaam lak cu a rak thok ve. October thla chungah khan ralzam minung 14 an rak cohlan hna. Minung pakhat a kal duh lo caah ralzam minung 13 lawng Malaysia IOM nih a rak kuat hna.

Cun, kum vui thokka ah IOM Malaysia nih Ralzam minung 17 (Chungkhar khar 4 le single a simi 2) hna cu kuat dingin timhtuahpiak an si.

Thlang Korea cozah lei in Ralzam lak phihkharnak cu Malaysia IOM le UNHCR ah thawngthanhnak a hun tuah than. Kum vui, 2019 cun ralzam ka cohlang than ti lai lo tiah thawngthanhnak cu an hun tuah.

A si nain, IOM Malaysia nih Thlang Korea ram ah kuat dingin timhtuahnak a ngeih ciami ralzam minung 17 hna cu tukum December thla chungah tuah a kuat than hna lai. Kum vui cun Thlang Korea nih Ralzam cohlan/lak a phih khar than lai.

Thlang Korea nih ralzam cohlan/lak phihkhar a tuahnak a ruang cu Yemen (Middle East) rammi minung 100 leng (Thlang Korea ram ah aa taapmi) hna nih ramchung dornak an hal hna nakin aa thokmi a si.

Yemen (Middle East) rammi minung 100 leng hna cu thla zeimawzat a luan ciami ahkhan Thlang Korea ram Jeju Tikulh ah tourist bantukin an rak tlawng. An visa a thih hnu ah phungning lo (overstayed) in an rak um caah ramchung um khawhnak dornak an hal hi a si.

Anti-immigration activists attend a protest in the South Korean capital of Seoul on June 30, 2018. They were protesting against a group of hundreds of Yemeni asylum-seekers who arrived on the South Korean tourist resort of Jeju Island in recent months. Th

Mah cu Yemen rammi pawl nih Thlang Korea ram ah dornak an halmi cu ramchungmi mipi hna nih duh lonak fak piin June 30, 2018 ahkhan “ralzam deu nan si,” tiah an rak aupi. Cucaah, atu hi mah bantukin Malaysia um ralzam cohlan le lak zong an phihkharnak hi a si.