Kawlram, Kum 4 Chung Mawtaw Accident le Mithi Zat Langhtermi

Kum 4 Chungah Kawlram chung cang mawtaw accident voi zeizat dah a cang i, minung pazeizat dah an thi, cun hliamhma a tuarmi minung zeizat dah an si timi buaktlakin an langhter.

A hleice in, Yangon le Mandalay kar a kalmi mawtaw lampi cungah a cangmi accident tonnak kum 4 chung ta an langhtermi a si.

Nikum 2018 chung ahkhan Rangon le Mandalay karlak kalmi zalampi cungah mawtaw accident voi 400 tluk hrawng a cang i, minung 100 tluk hrawng nunnak a liam. Kum 4 chungah mawtaw accident in a thimi minung 500 naktam an si lai  tiah A-myan-lan-mah-kyi (အျမန္လမ္းမႀကီး) nawlngeitu palik bawi zung nih an langhter.

Cun hliamhma a tuarmi hna hi minung 800 naktam an si lai, kum 2017 nakin mawtaw accident ton voi 100 tluk cu a tla deuh/a tlawm deuh nain accident in a thimi milu tu cu aa zat hrawng an si ko lai tiah an ti.

Kum 2015 lioah, mawtaw accident voi 450 naktam a um, minung 100 naktam an rak thi.

Kum 2016 lioah, mawtaw accident voi 700 naktam a um, minung 170 naktam an rak thi.

Kum 2017 lioah, mawtaw accident voi 550 naktam a cang ve, a thimi minung 100 naktam hrawng an si ve.

Cucaah kum 2015 in kum 2018 karlak, kum 4 chung ahhin mawtaw accident tonnak in minung 500 naktam an thi cang tinak a si.

Mawtaw accident a cannak a ruang zatuakin 93% cu mawtaw mawngh zulhphung tha tein an zulh lo ruangah a si tiah lam lei tuanvo ngeitu lutlai chang a simi nih hluatdaw ah a chim.

DVB