Kalaymyo: These Phortu Mawtaw Nih Meitha Kaiternak A Pah, Minung Pakhat Nunnak A Liam

Kalaymyo khuapi Inn-Dine-Gon sang um, dawr kam i a ummi electric meitha kaiternak seh inn te cu these phormi mawtaw nih an pahchih caah mawtaw zultu a simi minung pakhat nunnak a liam tiah theih a si.

Cun these phortu mawtaw, maungtu a simi U Sian Pi timi pa cu a zam tiah theih a si chih. A mawtaw zultu a simi U Suu San, kum 20 hrawng a simi tu cu aa hliam ning a fah caah Kalaymyo siin ah an kalpi, nain chanmanh ti loin a nunnak cu a liam.

U Sian Pi nih a vun mawnghmi mawtaw, MDY – 2P-9707 nihcun tuzing (4 Jan, 2019) suimilam 10:30Am hrawngah Inn-Dine-Gon sang, Pyidawtthar lam kamah bunhmi meitha kaiternak seh 200KVA cu a pahchih caah dattung phungmi tung 3 zong an kiak, cun meitha kaiternak seh pakhat zong a rawkchih.

Mah dattung pahtu mawtaw a ngeitu cu Kalaymyo khuapi, Chan Myat Anug Si sang ah a ummi U Khai Lamh Thang a si.

Atu hi, Inn-Dine-Gon sang uktu a simi U Pa Tluang (အုပ္ခ်ဳပ္ေရးမွဴး ဦးပက္တလြန္) nih electric mei lei tuanvo ngeitu a simi hna le mawtaw ngeitu hna he tiin zung ah ton/biahalnak a ngeih hna lio a si. Seh rawhning hoih zoh hmasa hnu ah dantatnak kong cu tolrel a si te lai tiah a ti.

These phortu mawtaw nih Dattung a pahnak a ruang cu zeihmanh thei a si rih lo…..

Zalen