UN Palai Ms. Yanghee Lee, Nuhrin Covo Kongah Kawlram Chung A Luh Than Kho Men

Korea rammi, UN palai riantuantu Ms. Yanghee Lee cu Kawlram chung nuhrin covo ngiatthlainak tuah kho than dingin aa zuam cuahmah lio a si.

2017 kum, Kawlram chung nuhrim covo ngiatthlainak an rak tuak lioah Kawlram cozah nih miphun tanh in rian na tuan tiah an rak puh caah Kawlram chung lut khawhnak nawl cu December (2017) ah an rak phihpiak.

UN palai a simi Ms. Yanghee Lee cu Kawlram nuhrin covo kongah a hleice ngiatthlainak tuanvo latu palai rian a tuanmi a si.

Tuchun (Jan 14) in Ms Yanghee Lee cu Thailand le Bangladesh ram ah nuhrin covo kong he pehtlai in ngiatthlainak tuah dingah ni 11 rau in a kal.

Thailand ram, Misselee ah Jan 19 tiang a cam hnu ah Bangladesh ram hrambunh Rohyngia ralzam umnak Cox Bazar le Bhashan Char (Rohyngia ralzam umnak ding hmun thar) ah a lan than te lai.

Ms. Yanghee Lee, tutan a khualtlawn dongh Jan 24 ah Bangladesh khualipi a simi Dhaka khuapi um, Ascott Residence hotel ah a khualtlawnnak kong he pehtlai in thawngfianhnak zong an tuah lai.

Image result for yanghee lee

Ms. Yanghee Lee cu Kawlram cozah he ramchung luh khawhnak nawl a hmuh thannak dingah biaruahnak an ngeih cuahmah lio a si bantukin vawlei cung nuhrin covo dirhmun kongah ramchung mipi hna he biaruahnak zong kan ngei te lai tiah a ti.

Mah batukin UN palai Ms. Yanghee Lee nih a ra laimi March thla chungah tuah dingmi a voi 40nak, vawlei cung pumpi nuhrin covo kong ceihhmainak ah a khualtlawnnak kong he pehtlai in nuhrin covo kongah a hmuhtonmi vialte hna cu chimphunnak a ngei te lai.

VOA’s mp3>>>>

VOA