Norway: Rakhine Har Tong Bawmh Kan Duh Tiah Kawl Cozah Sin Nawlnak An Ruah

Norway ram, ralzam bawmtubu NRC (Norwegian Refugee Council) le UN nih Rakhine ram har tong pawl bawmh kan duh hna tiah Kawlram cozah sinah nawl Cawnnihnih ni (Jan 15) ah an hal hna.

Ral ruangah inn le lo chuahtak in minung tampi nih harnak fak an tuar tiah Kawlram hrambunh NRC acting director simi Laura Marshall nih a chim.

Minung hawi zawnruahnak lung a pumi Lemcang pawl hna cu hartong caah ti le rawl, le dornak bawmhchanh cu an sianh ko hna tiah a ti.

November 2018 thok in AA hriamtlai pawl le Kawl ralkap ikahnak ruangah inn le lo, khua chuahtak in a zammi hartong minung 5000 leng an si cang tiah UN zung nih an langhter.

Kawl cozah nih nuhrin covo kongah siseh, minung hawi i zohkhehnak bu pawl hna cu khamnak an tuah len hna. Agency’s Chief Pilippo Grandi zong kan hnu zarh ah Rakhine ramchung kal ding a rak si nain, security ruangah a ni an rak thawnpiak cang.

Rakhine ramthen cozah nawlngeitu hna nih an chimmi cu Red Cross bu le World Food Programne bu pawl lawng khammi chungah an itel lo tiah an chim.

Cucaah, atu tan NRC (Norwegian Refugee Vouncil) le UN nih vawlei cung phungning tein ral ruang i harnak a tongmi le dornak a kawlmi pawl hna bawmh khawhnak nawl kan halnak hna ahhin cozah lei in bialehnak um hram seh ti kan duh ko tiah UN biachimtu nih a langhter.

Myanmay Times – English