IS Ralhrang An Puang Than, Kenya Le Syria Ah Thahnawnnak An Tuah, US Ralkap Zong An Thi

Donald trump nih Syria ram ralhrang pawl cu kan deihter cang hna tiah kan hnung ahkhan thanhnak a tuah, cun US ralkap pawl zong a rak kirter hna.

A si nain, atu ah IS ralhrang pawl hna nih Jan 15 le 16, ram ramhinh ah kahdohnak le thahnawnnak an hun tuah than cnag.

Jan 15, zan ah Kenya ram khualipi Nairobi, DusitD2 hotel IS ralhrang nih kahdohnak an tuah. Jan 16 ah US rammi pakhat le Britist rammi pakhat hna telh in minung 21 an thi tiah Nairobi hrambunh CNN nih an langhter.

Cun, nizan cawnnithum ni (Jan 16) ah Syria ram Chaklei Manbij rawldawr pakhat ah IS ralhrang pakhat nih mah nunnak thap bom puahtu pakhat bom a puahhnawh hna caah American minung 4 nunnak a liam tiah VOA nih a langhter.

US nih an ralkap pawl Syria ram in an kirter hna a si ahcun zei bantukin thil nih dah a zulh ve colh lai timi cu ruah damh pah khawh a si ko cang tiah an ti.

Manbij khuapi Doctor te nihcun American ralkap minung 2 hna cu bom puahnak hmun ah an thi colh, a dang ralkap minung 3 nih hliamhma an tuar tiah VOA ah an chim. Cun hliamhma a ingmi hna zong an um, micheu cu Syria ram innpa a simi Iraq ram Siin hna ah an kal pi hna.

Britist ram hrambunh Syria nuhrin covo ngiathlaitubu nih cun mah bompuah nakin a thimi mipi minung 9 naktam an si tiah an langhter.

CNN, VOA