Manchester United (Man-U) nih an irinhchan takmi le minthang (star) a simi Anthony Martial cu muidawh model nu pakhat he Paris khuapi chung um man niam ngaimi hotel pakhat an  ihlan i caan an hmangti tiah the French nih thawngthanhnak an hun tuah.

Malika Semichi, kum 20 a simi model nu nih a luan ciami July i Anthony Martial he Paris khuapi hotel man niam pakhat an rak ihtinak kong cu Daily Star Sunday sinah a chimh hna.

Cu lioah cun, Anthony Martial le a nupi Melanie da Cruz cu fahnihnak an rak pawi lio a si. An fa chuak dingmi a min zong Swan tiah an rak isak cio cang.

Martial nih a nupi or a darling nu, nau a pawi lio ah a thli in model nu Malika Semichi he minchiatnak caan an hmantinak hotel cu zan khat USD $90 (£70) lawng a sinak Paris khuapi chung man niam hotel du Midi timi ah a si.

Anthony Martial le Model Malika Semichi cu Paris khuapi Hobo night club i a rak iton nakin aa theihngalmi an rak si. Model Malika Semichi nihcun Martial he theihthiamnak fek deuh an hun ngeih hnu ah nangmah ka nungak pahnihnak na si lai tiah a ka ti tiah a phuan.

Man-U Star, Anthony Martial nih 2016 lioah fa a voikhatnak bik a rak hrinpiaktu a nupi a simi Samantha Jacquelinet cu a rak then hnu ah Melanie da Cruz he ipehtlaih hram cu an rak ithok. Samantha Jacquelinet cu £53millions (USD $68.64millions) zong a rak liamh.

Daily Mail