Aung La & Hasegawa (Japanpa) Cu A Voi 2nak An I Thua Than Lai

Aung La N Sang (The Burmese Python) le Ken Hasegawa (Japanese) hna cu a luan ciami 2018, June 29, Rangon khuapi ah an rak thua. The Burmese Python, Aung La N Sang nih round 5nak ah TKO in a rak tei caah ONE Middleweight World Title cu a runven khawh.

Atutan a voi hnihnak an i phomh than lai nak ding ram cu Ken Hasegawa inntek a sinak Japan ram ah a si ve cang lai caah Ken Hasegawa cu thapetu rammi thatha a ngei ve cang lai.

Aung La le Hasegawa cu March 31, 2019 Japan ram khualipi a simi Tokyo ah a voi 2nak One: A New Era timi tlangtar in an i phomh than lai. Aung La nih tuan ahkhan cun a dih lai round 5nak ah ka rak tei, asinain atu cu kan i phomh hramthok lei ah tei zau khawh kai zuam lai tiah a ti.

Ken Hasegawa nih voikhatnak kan i thongh lioah khan ka orhlei mit zong sen dihlak in le mitkhua hmanh hmu kho loin phing viar a ka thongh ve ko. A si nain, atutan kan i thongh lai dingmi ahcun mah bantuk khancun kaa thonghter ti lai lo, Ken Hasegawa tei thannak ding caah kuat phundang hmang dingin ka cinh cuahmah lio a si.

Japan ram i kan ithongh tikah, ka miphun a simi hna Kawlram mi zong tampi an ra hna lai, thazaang petu tampi ka ngei ko lai. Cun anmah Japan rammi pawl zong hna khi michawnh biak a thiammi miphun an si hna, keimah lila zong thazaang tampi an ka pek ve ko lai tiah ka ruahchan tiah a ti.

An instant classic, and the top World Title bout in ONE Championship history!

An instant classic, the most exhilarating World Title bout in ONE Championship history!

Posted by ONE Championship on Friday, June 29, 2018