US Nih September Hlan Ah Malaysia Ralzam Hnamhnawh Deuh In A Lak Hna Lai

Nikum ah siseh, tukum hramthok ah 2019 chung i US ramthumnak ah a kal dingmi milu a zat kan rak langhter bal cang. A si nain, atu ah a thar in vun langhter chap ka duh than, nizaan ah cunglei in thawngthanhnak a um than caah.

Thawngpang ttha a si, US ramthumnak ah kal dingin pipeline chungah a ummi vialte caah cun ruahchannak a ngan chin lengmang ko. A hleice in, US kal dingah tiin RST a rak phi cangmi si hna seh, OPE/RSC le DHS (lahwahkah) tiang zong a rak phi cang ko nain minkhat sinak (fraud case) ruangah a rak itaapmi vialte hna kha US nih cohlan than dih dawhdang an si hna.

Atu lio hi, minkhat sinak (fraud case) phung a rak buartu pawl hna cu RSC/OPE le DHS (Lahwahkah) hna nih konglam biahalnak (interview) an tuah than cuahmah hna lio a si. Atu ah, minkhat sinak (fraud case) in DHS (Lahwahkah) a phi than cangmi hna cu tu hnu thla 3 chungah thi cheknak tuah dingin IOM (medical department) nih an in kawh te hna lai tiah theihternak an tuah hna.

Cucaah, tukum (2019) hi US lei ralzam cohlangtu hna nih Malaysia ralzam thialkamnak cu hnamhnawh (Push) deuh in tuanvo lak dingah Malaysia IOM cu theihternak an hun tuah hi a si. Tukum (2019), September thla chung tiang hrimhrim ah Malaysia ralzam minung 3500 kalter dingin milu zat cu an hun langhter than.

Kum chiar tein kan zoh tikah, September thla hi US nih ralzam tam cem an lak caan le hnamhnawh ngai in ralzam thialkaamnak caah tuanvo an laak caan a si theu tawn. Mah minung 3500 kan timi chungah hin Chin ralzam chungin tam deuh cu an si te ko lai tiah ruahmi a si ko.

Notes: Copy le Website in share a ngah lai lo. (Pumpak Timeline lawngin share ngah lai)

Salai Eric Cenhrang