Pope: Ramri Khamnak Vampang Sak Ngol Dingin Trump Ka Ton Lai

Pope Francis nih Mexico ramri khamnak vampang saknak kong he pehtlai in President Donald Trump cu pumpak tein ton le biaruah a duhnak kong a phuan. Ramri vampang khamnak sak hi a tha lo, chungkhar then/cheu a si pehzulh ti duh hlah tiah ka ti lai tiah Cawnnihnih ni ah a chim. (Reuters)

Ramri kilvennak dingah khamnak vampang sak in tanlak cu zeibantuk nunphung thar ko dah a cang, ka thei lo. Germany ram Berlin ah ramri an rak khamnak kongah buainak nganpi an rak tong ti kan theih, mah thil tuahnak nihhin mi lung a muihter, mitampi nih fahnak/harnak an tuar tiah a ti.

BerLin Wall (1961)

Zaapi theih in ka chim ko lai, ramri khamnak vampang a sami hna paoh cu an sakmi khamnak vampang thongtla sinak in an dong peng hna. (2017 lioah Trump nih vampang sak a herhnak kong cu Vatican ah Pope cu a rak ton i an rak chimh. Ramri in US ram chungah rihaisi le sualnak phunphun lawngte a lut tiah Pope a rak ton lioah a ruahnak a chimh thok te khan Pope siseh, Demcrat pawl le Biaceihtu bawi tampi hna hecun an ruahnak an rak i pialkan tuk cangmi kha an rak si.)

Ni kum ah, Pope Francis nih Donald Trump hruai ning cu a lungtlinpi lo tuk, nulepa sinin fale thencheu hruai ning a si a ti. (Mexico ramri in US ram chungah phung ning loin a rak lutmi hna pawl kha a kum kum in a rak um tikah fa an ngei, an fale cu US ram chuah an si caah um-khawhnak nawl an ngei asinain hringtu nulepa hna cu ramchung in thawl/dawi an si caah Pope nih Trump policy cu chungkhar thencheunak policy a si tiah a tinak cu a si.)#TSO