Kan Ha A Chiatter Khotu Thil Phun (8)

Vawlei cung cu i manh lo ngaiin riantuan le cawlcanghnak hmun a si bantukin, rian he pehpar in kan va phaknak hmun paohah chuncaw ei asiloah din-ei dakta a hmangmi ka si hna.

Dr Sameer Patel nih cun, kan tuah le tuah lo zong ruat theng lem loin nifate i ngeih pengmi ziaza (habit) ah fawi tein an cang kho mi thil hna nih hin kan ha, kan chunglei ngamdamnak (oral health) hna hi a chiatter tawn tiah, a ti.

Kan ha caah ka tuah khawh cemmi cu zinglei thawhka le zan ih laite ah kan ha kan iteih peng hi a si ko. Cun a thlummi hang ka din dih hnu in minutes 30 a si hnu ah kan ha kan teihpiak ah a tha. Kan din tik zongah a dinnak caah an sermi dawpnak fung tein kan din ahcun virus (rungrul) a tlawm deuh i a tha.

Mah cuti tal in kan tuah khawh rih a si lo ahcun kan ha a rawhter lawng siloin ka-rim zong a chiatter pinah ha zong a var kho lo.

Cu bantukin, a tanglei thil i kan langhtermi thil phun (8) hna nih hin kan ha cu a chiatter/rawhter khawh.

  1. Thanthling rang (sugar) tam deuh aa cawhmi din phun
  2. A phul i a buanmi din phung (Eg. Coca cola, tbk)
  3. Tikhalmi (ice) hmawm le khai
  4. Hmur le lei awng lakin vih
  5. Fangvoi puahmi tampi einak (eating popcorn)
  6. Ha cu hriamnam bantukin hman (Eg. Palang dur chin ha in seh i phoh)
  7. Coffee le lakphak lummi din i hman pengmi hrai/khuat
  8. Ha khamnak tel loin lente icelh