US Ralkap, Kum Khat Chung Hmanmi Phaisa Thazang

US ram nih an ralkap thazang caah kum khat chung i an hmanmi phaisa thazang cu vawlei cung ram thawng a si vemi Tuluk le Russia zong nih an ram hnih komh hmanh in a banh an ban lo.

Vawlei cungah ram rum bik le ram thawng bik dirhmun ah a dir bantukin ralkap thazang thawnnak lei zongah hawinak in hmai a kal hmasami le phaisa thazang zong tam bik a hmangmi, vawlei cung ram vialte lakah global master an si.

American nih an ralkap thazang caah hman ding phaisa budget an suaimi cu kum khat chungah US $600 billion nak tam lengmang a si.

Tuluk ram nih kum khat chung i an ralkap thazang caah hman ding phaisa budget an suaimi cu a dang a tangmi ram pawl nakcun a tam deuh ngaingai ve nain US $216 billion lawng a si, US cu an zatceo hmanh an tluk loh.

Tihnung cem pawl ram ah chiah vemi Russia nihcun kum khat caah US $49 billion te lawng an hman. Cucaah US nihcun Russia hmanmi nakin a let 12 nak tam in an hman tinak a si.

Nihin kan vawlei pumpi ahhin US nih ram 177 ah a ralkap pawl a chiahmi hna hi minung 200,000 nak tam an si.

Youtube video

RT