Samtuh Pawl Hna Hi Khuazei In Dah An Rat?

Vawlei cung ram kip nih samtuh hi an hman cio a si i, a hleice in sam a tlawm deuhmi nu pawl hna le tamhnak dawr (beauty solon) pawl hna nih phaisa hmuhnak asiloah sipuazi caah tiin an hman khun.

England ram London i a ummi Naomi Isted timi nu hna cu tamhnak dawr ah US $1230 dih in nazi 3 chung lawng a khanmi samtuh cu a taktak a simi sam bantukin aa tuah tawn i a hmutu hna nih cun aa dawt ngai tiah an uar ngai.

Nitlaklei ram ah cun nu pawl hna hi zatuak in 70% tluk nih samtuh cu tamhnak dawr pawl ah phaisa tampi dih in an hman cio hna.

England ram hi vawlei cungah samtuh a caw tamcemtu an si i, kum khat chungah minung samtuh a simi tonnes 43 million tluk cu kum chiar in an cawk tawn.

Mah tluk in samtuh hi vawlei cung mipi hna nih an cawk i zohrem deuhnak ding caah tiin an hman nain, mah hi samtuh hna hi khuazei in dah an rak rat i, mizei miphun pawl hna sam dah an si ti hi a hngal lomi an tam ngai.

A tam u in tiah cun, mah hi samtuh pawl hna hi India ram in a rami an si hna. India ram sifakmi hna, hni le puan le rawl ei awk a ngei lomi hna pawl nih an sam cu an zuarmi a si.

Cun nu cheukhat pawl hna nih Hindu an pathian Vishnu timi hngakchia thluachuah petu tiah an zumhmi an pathian sinah a sam cu blade namte fate in an ziah hna i an biaknak hrang caah zuar dingin tiah an hlutmi a si.

Mah bantuk sam pawl hna cu zawtnak a ngeimi hna sam asiloah zei bantuk namte in dah an ziah hna timi hi ahohmanh nih an hngalh lohmi an si.