UNHCR Rep. Richard Towle Ai Thial Cang Lai

Malaysia hrambunh UNHCR zungpi ah lutlai a simi Rep. Richard Towle cu 2018 kum dongh cun hmun dang ah aa thial cang lai.

Cawn ni nga ni (7 Dec, 2018) ah, amah hruaimi UNHCR zung department cio nih thlahnak (fairwell) an tuahpiak cang lai. Amah changtu lutlai (Deputy) a rak simi Mr. Brian Gorlick cu a luan ciami October thla ahkhan a rak i thial cang.

Related imageBrian Gorlick photo>

Rep. Richard Towle cu Malaysia UNHCR zungpi ah lutlai sinak (Representative) rian kum 5 chung a tuan hnu ah hmun dang i aa thial hi a si. Amah a tuan chungah UNHCR Malasysia chungin thil tampi aa thlengmi hmuh khawh a si. Rian a tuannak ah dinnak aa tlaihmi le ningcang tein riantuan a duhmi a si.

Kum 2019, thok in mizei bantuk lutlai nih dah a rak tlen lai ti cu a fiang rih lo, nain Nu a si te lai ti a fiang cang. Chin ralzaam a simi hna cungah zawnruahnak a ngeimi lutlai tha a sinak hnga zong thlacam hna usih.