Rakhine Ram, Buu-Thi-Taung Khuate Ah Bom A Puak

Nizan (Dec 6), zan suimilam 9 hrawngah, Rakhine ramthen, Buu-Thi Taung khuate Tung-Seh-Ta-Bung in Falong 6 tluk aa hlaatnak mawtaw lampi cungah bom a puak.

Bom puahnak mawtaw lam cungah motorcycle aa ciitmi minung pahnih hna cu bom nih a puahchih hna caah an nunnak a laim tiah khuate uktu a simi nih a chim.

Motorcycle aa phirhmi minung pahnih hna cu an i ciitmi motorcycle zong a kuai dih i minung pakhat cu a lu he a pum he aa tthek dih, cun minung pakhat cu a lu ah a puahchih i a hmuh ahcun a thi colh tiah Phong-Nywe-Lyait khuabawipa nih a chim.

Bompuah nakin a thimi minung pahnih hna i an min cu theih a si rih lo, a thaizing zinglei suimilam 7 tiang cuka hmun ahcun an chiah rih ko hna.

Cun, mah hmun ahcun palik le ralkap le nawlngeitu pawl an hung phan i bom a puak rih lomi wire hri zong an hmuh chap caah bom hri phoih thiammibu an hngahter hna.

A puakmi bom thawng cu a than tuk caah Phong-Nywe-Lyait khua, Kyawh-Yan khua le Tung-Seh-Ta-Bung khuate tiangin a thang dih tiah khuate pawl nih an chim. (Narinjara)

Image may contain: one or more people, tree and outdoor