FRO: UNHCR THU THAR

RST & RSC(OPE) thu; Kan rak thanawk zo vekin tu fanghi UNHCR-RST le RSC (OPE) in nasa ten CHIN mi interview an ko rero. Phone number na thleng a sile, zamrangten update tuah loli ding a si. Cun, RSC in interview kawh hlan ah mi hrek cu phone in interview mal lai mi an tuah phah ruangah mai case kha ralring ten rak ready cia ding a si. Hnatuan lai vekih an lo call ih nan ready lo a si le nan remcan lonak nan sim dingih call sal dingin nan sim thei.

DHS (Lah Wah Kah) thu; DHS (Lah Wah Kah) Officer pawl cu December 07 2018 ah USA an kir sal zo. Hmaikum March & April 2019 ah an ra ding. USA cun CHIN refugee priority ih an ret ruangah an rat tikah mi tampi an ko ding. DHS terview hngak pawl kha Phone an lo call tikah ready ten rak um cio ding a si. An lo contact ih phone na kai lo maw, phone No. na thleng a sile, a poi zet ding.

FRAUD CASE thu; FRAUD case ih tang pawl UNHCR in nan case kaitang nawn loin a feh ter rero zo ruangah RST le RSC(OPE) interview an ko rero. Thu hla fiang cu a um ciah lo nan USA in Fraud ih tang pawl khal a letkhan thlang ding vek thu a um ruangah zo khal fraud hi tang pawl kha ready ten rak um cio dingah a tha.

Chin Cessation thu(UN Cem Ding Thu); ICC, CHRO, USA le Australia advocacy group pawl in nasaten advocacy hna kan tuan khawm rero. Neta bik thu cu, December 05, 2018 sun ah ICC in UNHCR Representative Mr. Richard Towle thlah nak kan tuah ni ah Mr. Richard cun Geneva in CHRO Report an zoh thu simnak a nei. CHRO report hi Geneva in a co hlang a si ah cun UNHCR decision tla thleng a si thei. Cu ruangah thlacam daithlang lo in peh zawmin kan UN hrang thla kan cam cio pei.

FPM-FRO
Kuala Lumpur, Malaysia