Kachin Ram, Ngakchia Kum 12 Nute, Tlaihhremtu Pa Cu Biachahnak Fak An Pek Cang

Kachin Ram, Ngiang-Htoht-Kalay khuate ah sianginn kai lio kum 12 ngakchia nute tlaihhrem pinah a rak thattu pa cu December 12 ah Mone-Ngine district biaceih zung nih hrithlai thihdan biakhiahnak an pek.

A luan ciami February 25, 2018, Aung Mingalar khuami  sianginn kai lio simi ngakchia kum 12 a nute cu amah te lawngin ramtang i thinghreu khawmh a kalnak ah U Maung Ri le Khin Maung Htey, kum 37 hna nih an tlaihhrem hnu ah nam in an rak thahbehmi cu zinglei suimilam 11 Am hrawngah a ruak in an rak hmuh.

Mogaung palik sakhan ah khan dangdang in an rak chiah hna nakin Kin Maung Htey cu March 6, zinglei suimilam 3 Am hrawngah aa hrukmi Kachin hni in kutka tlangah amah tein a rak i that.

Cun, a tangmi U Maung Ri cu thla 10 chung a sualnak konglam dothlatnak an tuah hnu ah Mone-Ngine district biaceih zung nih December 12 ah hrithlai thihdan biakhiahnak an pek hi a si tiah theih a si. (A Kon Thi, Irrawaddy)