Dr. Mahathir: Malaysia Team An Thiam Tuk Ko Nain, Kan Van A Chia

AFF Suziki Cup, Dec 15 (Zarteni), final puai ah Malaysia le Vietnam Champion an icuhnak Hanoi ah Malaysia Prime Minister Dr. Mahathir zong nih a va zoh ve hna.

Vietnam nih Malaysia cu goal 1-0 in an tei hna. Dec 11, Bukit Jalil i a voikhatnak puai (first leg) an rak chuih ahkhan goal 2-2 veve in an rak i tluk.

A si nain, Dec 15, Hanoi i a voihnihnak (second leg) ah Vietnam nih 1-0 in Malaysia cu an tei hna caah goal 3-2 in an tei hna tinak a si.

Malaysia pumpululh chuih team cu final ah an sung ko natein, an ram ukbawi Prime Minister Dr. Mahathir nih na tha chia hlah uh, nan za tein nan colcangh ning a ttha dih ko, nan van a chiat caah a si ko tiah hnemnak bia a chim.

Goal kamah caantha kan ngeih khawh lo caah a si, i zuam rih ko uh, a ra than dingmi zuamnak ahcun teinak hmuh khawh kan fawite ko cang. Soisel ding a hohmanh nan um lo i zuannak ding ca tu’ah cang hram seh tiah a nolhchap. (TSO)