Lautu Foundation: Kan Ngaihchiatnak Mithli A Luang

Vulei cung ummi Lautumi hna dihlak nihin hi khuaci kan mui ko. Hakha in meng (45) hrawng aa hlatnak hmun ah Lautu mi lawngte an i citmi mawtaw hme pakhat lamthlang ah a tlak caah minung (4) nunnak a liam i (9) sizung ah an phan tiah thawng kan theih.

Anunnak liam mi hna cu Bawi Lian (Thangaw) a nih hi mawtaw mongtu a si. Hakha khuasami Pu Phun Kulh le a nupi, cun Khuahrang khuami tang (9) a kai liomi hna an si.

Mahbantuk ngaihchiat mithli tlak caan, chiatni kan ton caan hna ah hin hmun le hma i dornak hmun zong Hakha ah aa relrem lo tiah kan theih i kan lung tha lo ngai. LF Center hna kan sak khawh tik ah cun chiat le thatni hna ah thahnemnam a um hrim lai ti zumhnak kan ngei.

Board of Management
Lautu Foundation

Notes: A cung ca hi Lautu Foundation nih an ngaihchiatnak an langhternak cabia a si.

Updated: Mawtaw accident an tonnak hmun ah aa citmi minung 3 hna cu an nunnak a liam colh, a hnu ah hliamhma tuar fak in a dang minung 2 an nunnak a liam than tiah theih a si.

Cun hliamhma a tuarmi hna zong an zualhma ngai ko, minung 13 an si tiah theihchap a si.

Laimi khuaci a mui ko ee Christmas ni sunglawi lai ah, philh awk tha hnin lai lo. Chungkhar hna nih an tuar har ko lai mu. Thlacamnak in bawm cio hna usih, kan biak Pathian nih hnem ko hna seh.