Kum Thar Lai Zaan Ah Manchester Khuapi Nih Ralhrang Hma An Ing

Manchester khuapi, tlanglawng dirnak Victoria station ah ralhrang a si lai tiah zumhmi misualpa pakhat nih a tlungkalmi mipi cu nam in a zawnhhnawh hna tiah British palik bawi pakhat nih Cawnnihnih ni (Jan 1) ah a chim.

Misualpa a hmumi hna nih, nam in mi a sawh hna lai ah “Allah,” tiin a au pah tiah an chim. Minung 3 hna a hliamh manh hna caah siin an phan.

A hliamhmi hna chungah pa pakhat, nu pakhat le palikpa pakhat an si hna. Misualpa zong cu Manchester khuapi vengtu palik nih an tlaih manh ve i an hren.

Misualpa  nih a hliamhmi nu pakhat le pa pakhat hna cu kum 50 hrawng mi nung an si, hliamhhma an tuarmi a fak ngaingai tiah siin lei nih an langhter.

England ram hruaitu Prime Minister Theresa May nih, “zahan zan i ralhrang kut in hliamhma a tuarmi hna cungah ka lung tha hrim lo, lung kan fahpi ve ko hna, ral vengtu a simi hna palik nan riantuannak le nan raltthatnak cungah kaa lawm tiah,” Twitter in a langhter.

(The Strait Times)