Lu Min: Aung San Tuanbia Video Tlakmi Cu International Level Tluk Kan Siter Lai

Tutan, Buchoh Aung San tuanbia kong video in kan thlakmi cu Ramdang thlakmi tluk bakin siter kan i zuam lai. Mah tluk in bawmhnak tha kan hmuh tung i zei huaha lo i kan chuahter ahcun kanmah santlaih lo a si lai tiah Minta/Director Lu Min nih a chim.

Tuzing (Jan 4), Rangon ah tuahmi Aung San zukcawl phungning tein thlak khawhnak le itonnak/hawikawmhnak an ngeihnak hmun ah Director tuanmi Lu Min nih mah bantukin biachimnak a ngeih hi a si.

Keimah pumpak hrimhrim nih a tha bik a si khawhnak hnga dingah Kawlram chung zukcawl lei ah thiamnak a ngeimi pawl hna le ram uktu pawl hna he ruahnak icheuh in internation level a tlukmi video ah kan chuah khawh lai i kan mipi pawl kan piahpiak khawh hna lai tiah ka zumh ko tiah a ti.

Related image

Cun mah bantukin video thlaknak caah bawmhnak tha kan hmuh hi a um bal rih lo, mah tluk bawmhnak ttha kan hmuh ko na i, international level kan tluk khawh lo ahcun kanmah santlaih lo a si ko lai a ti.

Atu tiang ahcun, mah tuanbia tlak dingmi kongah khan 116 tiang cu tial a si cang, tuanbia thiam/thei pawl sinah fehternak tuah ding zongah kan ap cang hna tiah Lu Min a chim.

Mah Buchoh Aung San tuanbia zukcawl thlaknak dingah Director rian rak khinhmi cu Director Min Htet Ko Ko Kyi a rak si nain, atu ahcun Director Lu Min sinah riankhinh a si than.

Gen. Aung San tuanbia video thlaknak dingah a dih dingmi phaisa cu Ting 15000 Kyats a si. Kum 2019, December thla ahcun piah khawh dingin timhtuahnak ngeih a si ko nain, video thlak ning a chiat/tthat zoh in a herhmi remh awk a um sual si le a caan kan sauh than te lai tiah a ti.

DVB TV News