Rakhine Ralthawhnak Kongah Kawlram Hrambunh UN Lutlai Lungre Thei

Rakhine ramthen, AA hriamtlai le Kawl ralkap ikahdohnak ruangah December thla thok in khua chuahtak in harnak a tongmi minung 4500 leng an si cang tiah Kawlram hrambunh UN lutlai nih Cawnnithum ni (Jan 9) ah a chim.

Image result for image of 13 police died in AA attack rakhine state

AA hriamtlai nih palik pawl an kahnak hna kong he pehtlai in, Cawnni khat ni (Jan 7) ah Daw Aung San Suu Kyi hruaimi cozah le Kawl ralkap bawi pawl ton/biaruahnak an ngei.

Daw Aung San Suu Kyi hruaimi cozah nih tonnak ah an chim vemi le Kawl ralkap an lungtlinpi vemi hna cu palik pawl kaptu/thattu a simi hna AA hriamtlai (Tapung) pawl cu “thio viar ding (Crush The Rebels),” ti a si.

Kawlram hruaitu President U Win Myint hrim nih ralkap lutlai pawl he tonnak ahcun, “ralhrang cu thio viar hna ding (Crush The Terrorists),” tiah a chim ve, tiah cozah lei biachimtu ni thawngfianhnak ah a chim.

Zeicatiah, AA hriamtlai pawl cu palik pawl an kah/thah hna hnu in Kawl ralkap nih ralhrang hmuh in an hmuh cang hna. “Independence Day,” ni ah AA hriamtlaibu nih palik pawl cu an kah hna caah palik minung 13 an thi, minung 9 an hliamh hna.

13 Myanmar Police Officers Killed By Rakhine Rebels In 'Brazen Raids'

AA hriamtlai le Kawl ralkap ikahdohnak cu a zualhmat chin lei a panh caah Kawlram hrambunh UN lutlai a simi Knut Ostby nih biatak tein kaphnih karlak ah deihnak lam kan kawl a hau cang, raltuknak ruangah har tong mipi zawn kan ruah hna a hau, cun nuhrin covo phung zong upat a hau tiah a ti.

UN zung, Coordination of Humanitarian Affairs nih ral ruangah hartong minung 4500 hna cu phungki biakinn le mipi hmanmi inn (sianginn, townhall… tbk) hna ah zohkheh an si tiah Cawnni khat ni ah an langhter.

The Irrawaddy