Thailand: Palik Le Misual An I Kap

Nizan (Jan 13), chun laifang suimilam 12:35 Pm ah Thailand palik le motorcycles 3 aa citmi misual minung 6 hna cu fak ngai in an i kap tiah The Bangkok Post nih a langhter.

Palik le misual an i kahnak hmun cu Khok Pho district chung um, Napradu palik zung hmai ah a si. Misual minung 6 hna cu motocycles in Napradu palik zung hmai an phak bakah ralkap nih an hmanmi meithal an ichuah i palik cu an kah colh hna.

Ikahnak in palik senthum a simi Sgt. Chalermpol Khomkham cu a nunnak a liam tiah palik bawi pakhat nih a chim. An i kahnak hmun Napradu palik zung hmai ahcun meithal kuan a puak ciammi kuanfang cu tampi an char hna. Misual pawl cu Thailand palikbu nih an kawl cuahmah lio hna a si. #The Bangkok Post.