Chanhtu Ngei Lo, Kan Miphun, Paletwa Pawl An Tuar Har Ko Mu

AA hriamtlai le Kawl ralkap ikahnak ruangah mah khua cio chungah um ngam loin kan miphun hawi hna Paletwa pawl cu tuarhar in an zam hna tiah Irrawaddy News nih thanhnak an tuah.

Rohingya Muslims miphun pawl bangin vansan tuk ruang le nunnak him duh ruangah Bangladesh ramri lei panh in Rakhine rammi hna tiin an zate ah minung 250 hrawng an si hna.

An zamnak hna hmun cu tupi thuk takmi chungah a si caah mibawmchantubu hna zong nih fawi tein an phan kho hna lo.

Rawl eiawk ngei loin a ummi hna ralzam bangin an um i, ngakchia pawl lebangcu thi dengmang in an zaw hna.

Hnipuan hruk aihawk an ngei hna lo, idornak hmun zong an ngei hna lo, a umnak hmun cu a kik tuknak hmun a si caah harsa tukin vansang an au tiah mibawmhchanhnak riantuantu pakhat nih a chim.

Chin miphun chungin minung 124 an si, Rakhine rammi chungin minung 126 an si hna. Mah cu chungah ngakchia minung 60 hrawng an itel tiah Win Thein nih a chim.

An phaknak hmun cu Bangladesh ramri, BGB (Border Guards Bangladesh) Camp umnak Remakri timi hmun in Km 11 hrawng aa hlatnak Thuisa Para tiah min an auhmi tupi thuk chungah a si.

Si-ai in siseh, a dangdang bawmh herh nakin bawmhchanh an duh ko hna nain, mibawmchantu hna nih heh tiah an zuam len ko hna nain an umnak hmun tiang an phan kho hna lo tiah Win Thein nihcun a chimchap.

Irrawaddy