February Thlachung Vialte Ramthumnak Kal Dingmi Thawngthanh

Kan hnung ah, Malaysia ralzam chungin February thla chung i US kal dingmi milu zat tlawmpal kan rak langhter chung cang, asinain atu cu February thla pumpi chung kal dingmi vialte a zat ka vun langhter than.

February thla chungah US a kal dingmi min cazin hna cu a dihlak in a chuak dih cang. A dihlak teah cazin 8 a um. Mah cazin 8 chung ahhin a kal dingmi minung 253 an si hna.

Tuthla (February) hi thla dang pawl nakin ni tlawm deuh a si pinah le Tuluk kumthar he aa tong kan ti ko nain, Malaysia ram ralzam chungin ramthumnak a kalmi an tam ngaingai ah a cang.

Mah cazin 8 chungin minung 253, US kal dingmi hna chungah hin Chin ralzam deuh ngawt lawngte ti awkin an si hna. Kalnak kong thawngthanh le phone chawnh rih lomi zong tlawmpal nan taang rih, tuzarh Cawnninga ni hlan ah kan in chawnh hna lai.

A tangte hi hmet law January le February thla canceo i rak thanhmi na hmuh lai>>>>>>

February Chung, US Kal dingmi Thawng Bultan!

Tuthla chung kal dingmi dihlak minung 253 chungah Chin zalram minung minung 190 hrawng nan itel, cun a dang tlangcungmi minung 20 hrawng an itel ve. Cun a dang a tangmi minung 43 hna cu Rohingya Muslim ralzam chungin an si ve hna.

Cun US kal dingmi lawng siloin, Australia kal dingmi hna zong cazin a dihlak ngawt in Chin ralzam lawngte deuh an si hna. Tuthla chungah Australia ram kal dingmi an dihlak ah minung 101 an si.