UNHCR Nih Minkhat Pawl RSC/OPE Interview Tuahnak Ding Kong Thawngthanhnak A Tuah

Tuhnu ni tlawmpal teah US lei in a rak tlung dingmi Lahwahkah (DHS) Officers pawl hna an rak phan than cang lai tiah UNHCR nih thawngthanhnak an tuah.

US kal dingin (US pipeline) chungah a rak um i RSC/OPE le Lahwahkah (DHS) tiang zong a rak phi cang ko nain minkhat sinak (fraud case) ruangah a rak taapmi hna pawl kha a hel in an konglam zohnak le halnak (interview) tuah an si lai.

RSC/OPE zung nih interview tuah dingin an in chawnhmi hna paoh cu a ni le caan tlolh lo tein chuah khawh naa zuam lai. Cun phone an in chawnhmi na tlaihmanh sual lo a si ahcun 03-2141-5846 ah hlatnak na tuah hna lai.

03-2141-5846 cu RSC/OPE le DHS hlathlai tuahnak phone number a si. Mah hi phone chawnh hi a har ngai caah anmah zung nih an in chawnhmi kha pello tein tlaih khawh hrim naa zuam ah a ttha lai.

Na caantha a si caah tlolh lo ding rak i zuam, biachim awk zong timhtuahnak ttha tein rak ngei hmasa, ruahnak zong community upate sinah rak hal hna.