Ralrin Peknak, April 24 Thok In Malaysia Ram Hmun 577 Ah Ti A Har Lai

Malaysia ram hi ram thangcho ngai an si ve kan ti ko nain, ti (water) a har caan hi a um pah lengmang theo tawn. Atu zong hi Klang Valley Areas chung vialte ah April 24 (2019) thok in Suimilam 86 chung ti harnak a um than lai tiah The Star nih a thanh.

Sungai Selangor tiva i ti an laknak (Sungai Selangor Phase 2 Water Treatment Plant) pi cu remh/tharchuah an duh than caah suimilam 86 (ni 3 le cheu chung) shutdown an tuah lai. A ni incun April 24 in 27 chun tiang a si lai.

A hlei in, mah ti laknak ni 3 le cheu chung an phih lai dingmi nih ti harnak a chuahter khawhnak districts pawl hna cu Klang, Shah Alam, Petaling, Gombak, Kuala Lumpur, Kuala Langat, le Kuala Selangor hna an si.

Zinglei suimilam 9 Am in Zan suimilam 11 Pm tiang ti an remh caan cu a si lai, ramchung 50% tluk cu ti harnak a um lai caah hmunkip ummi tikhawnnak tanks pawl hna cu khahter dih le ti har bawmhchanhnak ah ti phortu mawtaw hna zong timhtuah cia dih in suimilam 24 chung ti bawmhcanhnak tuah khawh kan i zuam lai tiah National Water Services Commission (SPAN) chairman Charles Santiago nih Cawnnili ni (April 18) ah tuahmi thawngfianhnak ah a chim.

The Star