June 3-13 Chung, Ramthumnak (US, AUS & CA) Kalnak Kong Thawng-bultan!

2019, June 3-13 chungah  Malaysia ralzam chungin ramthumnak lei ah a kalmi hna milu zat vun zoh than hna usih. US, Australia le Canada ram ah a kal dingmi an si hna, lunglawmh awk ngai a si ko.

June 3-13 karlak chungah ramthumnak (US, AUS le CA) a kal dingmi minung 189 an si hna. June thla cu Malaysia ram ni sunglawi an ngeihmi “Hari Raya,” an rawl-ulh thlacam Thla a si caah “Holiday” zung khar caan zong a sau. Cu caah ramthumnak kal zong Thla dang pawl nakin a tlawm deuh kho men.

Mah ramthumnak (US, AUS le CA) a kal dingmi hna chungah US ram i a kal dingmi minung 149 an si. Cun Australia ram ah a kal dingmi minung 23 le Canada ram ah a kal dingmi minung 17 tiin an si hna.

US ram a kal dingmi minung 149 chungah Rohingya ralzam minung 28 an itel ve, cu dang lo paoh cu Chin ralzam deuh ngawt kan si. Australia kal ding minung 23 cu Chinmi lawngte kan si, cun Canada ram kal dingmi tu cu ramdang/biaknak dang lawngte an si ve hna.

Mah hi Jung thla canceo tiang ca lawng a si rih bantukin thla canceo hnu kalnak kong zong pehzulh khawh ka van i zuam than te lai. June thla canceo hnu i ramthumnak a kal dingmi cazin a chuak ding zong a um rih ko, phone tlaih dai thlan lo ding a si lai.

Tuan deuh ah ka tial cang nain, fale ngakchia kum 1, 2 a simi a ngeimi hna nih nan fale kha US kal lai ahcun nan ralrin hna ngaingai a hau. A ruang cu cumpit tlangrai le tak sat men ah siseh, tak bo maw, asiloah chickenpox phung a lomi an takpum cungah a um sual ahcun cancel a tam ngaingai caah a si.

May thla chung ramthumnak kalnak kong na rel duh ahcun a tang link hmanthlak hi hmet law na rel khawh lai>>>>>>>

May Thla Pumpi Chung, Ram 3nak (US, AUS & NZ) Kalnak Kong Thawngbultan!

Theihternak: Website in copy post a ngah lai lo (Pumpak timeline lawngin share a ngah)

Salai Eric Cenhrang