Rev. Franklin Graham: President Donald Trump Le A Chungkhar Caah Thlacampiak An Hau

President Donald Trump hi kan ram US hruaitu vialte hna lakah huat le doh a tong bikmi a si caah special in thlacamnak ngeipiak a hau tiah Rev. Franklin Graham nih sawmnak a tuah.

Rev. Franklin Graham nihcun Khrihfa hruaitu ttha a simi hna minung 250 a sawm hna. Ram pumpi huap in President Donald Trump le chungkhar caah special thlacampiaknak cu June 2, 2019 ah tuah dingin thanhnak a tuah.

President Donald Trump cu amah huatu a simi a ral pawl nih amah le a chungkhar pawl hna le a President hruaitu sinak cu hrawh dih an timh hna. Kan ramchung tuanbia ah a um bal lo, amah bantukin kan ram hruaitu ahohmanh doh le huat a tongmi an um bal lo. Amah hrang ah siseh, kan ram caah siseh, ruahchannak sang bik kan ngeihmi cu Pathian lawng hi a si ko tiah a facebook cahmai ah a tial.

Atu lio hi kan America rampi a tlakchiat caan kan phan, tlangpar pahlik ah kan um lio caan a si. Caan sau a um ti lo, Pathian kan lei ah a tannak hnga thlacam kan hau, Pathian nih kan President cu a kilven nakhnga, thazaang thawnnak a pek nakhnga le lamtha a hmuhsak nakhnga kan halpiak a herh tiah a ti.

Pathian nih kan thlacamnak cu a theih i akan let lai tiah kan zumh ko. Mi lung a nemter khotu le minung thinlung vialte a thleng kho Pathian, thawnnak in a khatmi le ram vialte uktu Pathian a si. Cathiang nih hruaitu a simi hna kha thlacampiak hna uh tiah a kan fial bangin kan President caah thla kan campiak lai. Khrihfabu kipah siseh, pumpak in siseh, chungkhar in mahle inn te cioah siseh, kan ram pumpi haup dih in kan President caah special in thla kan campiak hna lai tiah a ti.

Rev. Franklin Graham