June Thla Chung, Ramthumnak (US, AUS,CA & NZ) Kalnak Kong Thawng-bultan!

2019, June thla pumpi chungah  Malaysia ralzam chungin ramthumnak lei ah a kalmi/dingmi hna milu zat vun zoh than hna usih. US, Australia, Canada le New Zealand ram hna ah a kalmi an si hna, lunglawmh awk ngai a si ko.

June 3-13 karlak chungah ramthumnak (US, AUS le CA) a kal cangmi milu zat zong ka rak langhter bal cang. A tanglei link ahhin hmanthlak hmet law na rel khawh lai>>>>>

June 3-13 Chung, Ramthumnak (US, AUS & CA) Kalnak Kong Thawng-bultan!

June thla chung i ramthumnak (US, AUS, CA le NZ) ah a kal cangmi hna le a kal rih lai dingmi hna he an dihlak ah minung 525 an si hna. US ram ah minung 353 an si. Cun Australia ram ah minung 91, cun Canada ram ah minung 48 le New Zealand ram ah minung 33 tiin an si hna.

US ram a kalmi/dingmi minung 353 chungah Rohingya ralzam minung 41 le Pakistan ralzam minung 3 an itel ve hna, cu dang lo paoh cu Chin ralzam deuh ngawt kan si. Australia ah a kalmi/dingmi minung 91 cu Chinmi lawngte kan si. Canada ram kalmi/dingmi hna cu ramdang/biaknak dang lawngte an si ve hna. Cun New Zealand ram ah a kal dingmi hna minung 33 chungah Chin ralzam minung 11 an itel kho ve (chungkhar khar 2 an si).

Ralrin peknak bantuk ah: fale ngakchia kum 1, 2 a simi a ngeimi hna nih nan fale kha ramthumnak kal lai ahcun nan ralrin hna ngaingai a hau. A ruang cu cumpit tlangrai le tak sat men ah siseh, tak bo maw, asiloah chickenpox phung a lomi an takpum cungah a um sual ahcun cancel a tam ngaingai caah a si.

May thla chung ramthumnak kalnak kong na rel duh ahcun a tang link hmanthlak hi hmet law na rel khawh lai>>>>>>>

May Thla Pumpi Chung, Ram 3nak (US, AUS & NZ) Kalnak Kong Thawngbultan!

Theihternak: Website in copy post a ngah lai lo (Pumpak timeline lawngin share a ngah)

Salai Eric Cenhrang