2019, September Thla Chungah Canada Nih Ralzam 400 Leng A Lak Hna Lai

2019 kum chungah September thla hi Malaysia ram in ramthumnak a kal dingmi an tam cemnak thla a si lai. Mah thla chungah US ram hrim nih minung tam deuh a laak hna lai tiah ca ka rak tial bal cang. Cun 202 visa in Australia ram ah a kal dingmi hna mi cazin zong a vun i pong ngai cang.

Atu ah thawngpang a hung um thanmi cu Canada ram nih Malaysia ram aa dormi ralzam chungin minung 400 leng laak dingin timhtuahnak an ngei cang. A si nain, ralzam a laak dingmi hna chungah hin Rohingya ralzam cu papek (Oo-sar-pe) an si lai. A sullam cu zatuak in 50% tluk paoh cu anmah miphun a si lai tinak a si.

Zei bantuk a va sihmanhah, Chin ralzam chungin minung tlawmpal te tal kan vai itel khawh sual a si hmanhah thil tha tuk a si tho ve ko. Cu hlan ah Canada nih mah bantukin ralzam a bungin a la tuk lem hna lo.

Canada ram nih Malaysia um ralzam, laak dingin a timhmi hna cu July thla chungah form an phiitter hmasa hna lai. Cun September thla chungah hnawhhnam ngai in laak dingah timhtuahnak an ngeih hi a si.

A tanglei ahhin September thla chungah US ram nih Malaysia ram um ralzam a laak dingmi hna milu zat cu hmanthlak hi hmet law na rel khawh lai>>>>>

http://tialliant.sg-host.com/2019/03/13/us-nih-september-hlan-ah-malaysia-ralzam-hnamhnawh-deuh-in-a-lak-hna-lai/

Theihternak: Copy or website in post a ngah lai lo (pumpak timeline lawngin share ka sian)

Catialtu: Salai Eric Cenhrang