Tuthla, US Kal Dingmi An Tlawm Lai, Thawngpang Tha Lo Ngaingai!

Atu lioah ralzam dirhmun in US kal ding asiloah kal deng ding a simi hna caah thawngpawng a tha lo ngai. Kum dang ning ahcun September thla paoh hi kum chiar in US kalmi an tam cem caan a si tawn.

Tuan deuh zong ahkhan September thla chungah US kal dingmi an tam deuh lainak kong kan rak langhter bal nain, ralzam cohlannak kong he pehtlai in tulio US cozah hruainak aa thleng nawngmi a um lengmang caah thachia ngai a hung si.

A ruang cu US cozah nih atu lio teah ralzam cohlan le ramchung luhter dingah tam ngai ngaiin a tthumh caah a si. A si nain, zeidah a cang te lai ti cu theih khawh a si rih lo.

Micheu khat cu US phan dingin US ummi kan chungle pawl thawng an thanh cang hna timi zong nan um kho men, cun cheukhat cu kan MY number (website) chungah thla ni 3 tiah a cuang cang nain timi zong nan um len ko hna.

Cucaah, US cozah lei in thawngpawng fiang a um hlan chung cu khuaruahhar tuk in um awk a si lai lo. Amah belte kal deng ding kan si ko tiah rian in idinh chung, asiloah umnak inn i ap cia chung,…tbk bel kha cu i ralrin deuh ah a tha. Thawngpang fiang a um than tikah vun pehzulh zau khawh kan i zuam than te hna lai.

Theihternak: Website in copy post a ngah lai lo (Pumpak timeline lawngin share a ngah)

Salai Eric Cenhrang