September Thla Chung, Ramthumnak (US, AUS, CA, Japan le Korea) Kalnak Kong

Tuthla, September  thla chung cu Malaysia ralzam chungin ramthumnak a kal dingmi an tlawm lai tiah kan rak ti  cang bantukin tlawmpal ka vun langhter than. US, Australia, Canada, Japan le Korea ram hna ah a kalmi an si hna.

August thla chung i ramthumnak (US, AUS, CA, NZ le Korea ) ah a rak kalmi hna kong zong ka rak langhter cang. Rel na duh ahcun a tanglei i hmanthlak link te hi hmet law, na rel khawh lai>>>>>>

August Thla Chung, Ramthumnak (US, AUS, CA NZ le Korea) Kalnak Kong Thawng-bultan!

September thla chung ramthumnak ah a kalmi an dih lakah minung 143 lawng an si. US ram ah a kalmi minung 66 an si. Ngan a dam lo deuhmi lawngte kalter an si. Mah minung 66 chung hmanh ahhin biaknak dang a simi minung 31 an tel rih.

Cun a dang a taangmi chungin Australia ram ah minung 20, Canada ram ah minung 20 (miphun dang lawngte), Cun Japan ram ah minung 20, le Tlang Korea ram ah minung 17 an si hna. Pintit ram le UK ram ah minung 15 an kal ve.

October thla chung zongah ramthumnak a kal dingmi an tam hlei lai lo ti cu zapi nih theih pah cio a si ko cang, US lebang ahcun Trump nih 2020 caah ralzam laak ding 18,000 lawng a ti tikah ruahchannak cu a tlawm ko cang.

2020 kum caah US nih ralzam cohlannak cu October thla in rel thok a si lai. October 1 in 21 tiang ralzam a cohlang rih lai lo,  21 Oct hnu lawngin cohlan hram a thok te lai. Mah chungah kal dingin leet a rak tongmi pawl le ngan a dam lo deuhmi case pawl kha a hlei in an tuahpiak te hna lai.

Donald Trump hruainak tangah cun ramthumnak kal ding cu ruahchannak a tlawm ngaingai ko cang. Australia cu 202 in kawhauhnak cu tuah cio a va si ko, Canada ram hna ahkhin unau chungkhat neihniam deuh a ngeimi nihcun sponsorship in ikawhauhnak tuah kho cio hna ulaw a ttha ngai hnga.