A Upa Thattu Paliknu A Ngaihthiamnak Nih Khrih Zumhtu Ttha A Sinak A langhter

Brandt Jean, kum 18 a simi pa nih a upa thattu a simi palik nu Amber Guyger cungah Khrihfa zumtu ttha a sinak le a thinlung tak tein a ngaihthiam khawhnak bia cu Amber biakhiahnak an tuah ni (Cawnnihnih ni), biaceih zung ah a phuan.

2018, September 2 ahkhan Dallas palik riantuan a simi nu Amber Guyger cu a riantuan caan dih in a umnak inn apartment ah a tin, amah umnak cu dot 3nak ah a si nain, aa palh sual caah dot 4nak ah a mawtaw cu a va park.

Amber Guyger nih amah inn dot 3nak ah a ruahmi apartment dot 4nak ahcun Brandt Jean (kum 18) i a upa a simi Bathom Jean (kum 26) cu a rak tthu i ice-cream a rak ei lio kha a hmuh tikah mifir a si rua tiin palik meithal tawi a simi in a kah, zuun 2 in a kah nain zuun khat nih a khen caah Bathom Jean cu a nunnak a rak liam.

Amber Guyger, hnu bik biachahnak an pekmi ni, biaceih zung ah Bathom Jean naupa a simi Brandt Jean nihcun Amber a ngeihthiamnak cu hitihin a chim, “kan chungkhar sinin na kan laakpiakmi kongah tampi chim hau ti lo, asinain, kan ruahpiakmi cu Pathian sinah kal law na sual/palhnak vialte cu chim law ngeihthiamnak hal ko, an ngaihthiam ko lai. Cun, Ngaihthiam hal na kan duh takmi a si ko ahcun kei nihcun kan ngaihthiam ko, mi pakhat khat bantukin kan dawt ko. Thong na tlak ding hmanh khi kan duhpiakmi a si lo. Kei nih na caah a ttha bik dingin kan duhpiakmi cu na nunnak kha Khrih pe law ti hi a si ko, tiah a chim hnu ah Brandt nih Amber cu a kuh i a ngaihthiamnak kong cu a chim. Mithattu Amber cu Brandt Jean ngaihthiamnak bia nihcun ik thluahmah in a ttahter ve.

Bathom Jean, thattu sinak in sualphawtmi palik riantuan a simi Amber Guyger cu biaceihzung nih kum 28 thongthlak ding biachahnak an rak pek nain, a sualnak a niamter deuh than caah kum 10 lawng thongthlak dingin a donghnak biachahnak an tuahpiak.

#Fox News