Imbi Inn Sang Vs KLCC, Theihtlei Ca Sawsawh!

KLCC inn sang tiah theihmi “Petronas Twin Towers” cu Malaysia ramchung building vialte lakah a sang bik a rak si nain, atu cu a si ti lo. The Exchange 106 tiah kawhmi “Tun Razak Exchange (TRX)” inn sang nih a hung tei cang.

KLCC inn sang cu dot 88 a um i, pe 1482′ (452m) tluk a sangmi inn dawh a si. Malaysia ram uktu Prime Minister Dr. Tun Mahathir Mohamad hruainak in 1998 kum ah sak an rak lim.

A si nain, atu ahcun PM hlum Datuk Seri Najib Tun Razak nih 1MDB fund hmangin TRX (Tun Razak Exchange) Malaysia ram inn sang bik cu sak hram a rak thok nain, a sak dih hlan ah a nawl ngeihnak cu lakpiak a rak si.

Mah hnu ahcun Indonessia Developer Mulia Property Development le Malaysia’s Ministries of Finance nih an hun pehzulh. Kum vui ahcun hlan le um zong a ngah cang lai tiah thanhnak an tuah.

TRX (Tun Razak Exchange) inn sangpi cu a mui a chia ngai nain, KLCC nakin a sang deuh ngaingai. Dot 106 a um i pe 1614 (492m) tluk a san caah KLCC nakin pe 132′ in a sang deuh tinak a si.

TRX inn sangpi cu Malaysia ramchung lawngah siloin, South-East Asia ram 11 a simi (Singapore, Malaysia, Philippines, Vietnam, Thailand, Indonessia, Myanmar, Cambodia, Laos, Brunei, Timor-Liste) vialte chung zongah inn sang bik ah a hung cang.