Christmas Laksawng Ah US Kalnak Kong Thawngpang Ttha Kan Hrawmh Hna

Ruahnak leng piin December thla chungah US kal dingmi milu an hung tam ngaingai, lunglawmh awk ngai si. US cozah lei in a karlak ah khamnak zei dangdang a um than sual ti lo ahcun thil ttha ngaingai a si hgna.

US cozah nih ralzam cohlan ding milu an thumh tuk ruangah kan hnung thla 2 chung cu rel awk tlak lo tein minung tlawmpal lawng an rak kal hna.

A si nain, tuthla (December 10 in 19) chungah Malaysia ram um ralzam chungin US a kal dingmi minung 213 nan um hna. Christmas laksawng nganpi nan co tinak si ko.

US kalnak a hngakmi nan si ahcun nan phone tlaih rak daithlang hlah, mah a kal dingmi minung 213 chungah minung 26 lawng thawngthanh nan si rih, thawngthanh rih lomi minung 187 nan tang rih hna.

Ralrin peknak bantuk ah: fale ngakchia kum 1, 2 a simi a ngeimi hna nih nan fale kha ramthumnak kal lai ahcun nan ralrin hna ngaingai a hau. A ruang cu cumpit tlangrai le tak sat men ah siseh, tak bo maw, asiloah chickenpox phung a lomi an takpum cungah a um sual ahcun cancel a tam ngaingai caah a si.

Theihternak: Pumpak timeline lawngin share a ngah.