RSC/OPE Thawngthanh!

Kum 2019 chungah ralzam lak dingmi milu a zat tampi a rak thumh I minung 30,000 lawng a rak cohlan hna. Cun, tukum 2020 chung ca zongah vawlei cung hmun kipin ralzam cohlan ding milu 18,000 ah a thumh chinchin than.

A cunglei he pehtlai in, mahhi UNHCR nih biachahnak a tuahmi a si lo i, anmah US cozah nih biachahnak an tuahmi a si. Cucaah Asia ramchung a simi paoh tukum chungah cun UNHCR lei in mithar case van kuatmi paoh cohlan a si rih lai lo.

Cucaah sawktu a simi hna nih theih chung awkah a herhmi hna cu, konglam tolrel ning a fum lai, US ram ah ralzam a kalmi an tlawm ngaingai lai, nan phanh cianak dirhmun ah nan konglam tolrelnak caansau a taang rih lai, cun RSC/OPE nih pipeline chungah a rak um ciami pawl lawng an dihdongh tiang an tolrel hmasa rih lai caah caansau a rau lai.

Cun, tukum chungah DHS/USCIS (Lah-wa-kah) officers pawl hna cu Thailand ram le Malaysia asiloah Asia chung um a dangdang ram pawl hna ah konglam halnak interviews tuah dingin timhtuahnak an ngei lo.

US cozah nih ralzam lak ding milu tam tuk an thumh ruangah Asia ramchung um ralzam lawng siloin vawlei cung hmun kip um ralzam vialte hna zong harnak a pek dih hna lai, September or October 2020 tiang paoh cu.

RSC/OPE pipeline chung um ciami na si ahcun konglam biahalnak (interview) siseh, US nungphung cawnnak kong cu RSC nih an in chawnh lai. Cun ngandamnak lei thi-cheknak le US kalnak kong he pehtlai incun IOM nih an in chawnh lai.

RSC/OPE nih an in chawnh lo khi na case an in kharpiak tinak a si lo. Nangmah nih dah US kal ka duh than lo tiin USRAP sinah na chimh hna dah ti lo ahcun, asiloah RSC nih an in chawnh khawh lo ahcun, Asia hrambunh RSC nih na konglam cu pehzulh in an tolrelpiak ko lai. US kal na duh than ti lo i, “leet” than na duh ahcun RSC kha chawn colh ko hna. Cun a dangdang kongah duhthim awk le theih na duhmi a um ahcun UNHCR zong pehtlaih khawh an si.

A donghnak ah, na/nan konglam he pehtlai in aa thleng nawngmi, aa chapmi pakhat khat a um ahcun RSC ah thawngthanh hna. Cun appointment an in pekmi ni/caan na tlolh sual ahcun na konglam tolrelnak tlaiter a si ve lai. Appointment pekmi ni ahcun na kal khawh ding a si lo ahcun RSC le IOM ah a hlankan in theihternak tuah hmasa hna.

Na konglam sining dirhmun theih na duh ahcun, https://casi.rescue.org hi hmet.

Malaysia ummi ca lawngah, Email: [email protected] , Phone: 03 2141 5846