Covid-19, A Thimi Tam Deuh Cu Thlopbulnak An Hnut Ruangah A Si

Malaysia ram, ngandamnak lei Lutlai (Health General-director) a simi Datuk Dr. Noor Hisham Abdullah nih ramchung ah Covid-19 in a thimi hna a tam deuh cu ithlopbulnak tuah an hnut cang ruangah a si tiah a ti.

Covid-19 zawtnak cu a sinh 5 (five stages) in then a si. Atu tiangah zawtnak ngei siin i a rak ipiahmi hna chungah hin a tam deuh cu zawtnak sinh 3nak an phan cangmi ngawt an si hna.

Covid-19, sinh 1stnak ahcun symptoms timi zawtnak muihmai or hmelchunhnak a lang lai lo nain, positive an rak si. Cun a sinh 2ndnak ahcun zawtnak cu an chungah positive an si pinah muihmai (symptoms) zong in tlawmpal cu a lang pah cang.

A sinh 3rdnak ahcun oxygen ngaingai cu pek an hau lo nain cuap phin zawtnak a simi muisam a hun iser i thawchuah an iharh cang.

Cun, a sinh 4thnak ahcun oxygen pek hrimhrim an hau cang. A sinh 5thnak ahcun ttha tein thaw an chuah khawh ti lo caah an chungah thli luhchuah khawhnak a simi kha hrolh piak an hau cang, tiah Datuk Dr. Noor Hisham Abdullah nih a ti.

A sinh 4thnak a si cangmi mizaw hna cu an ngandamnak kha a chiatter tuk cang caah a sinh 5thnak phak a rang khun cang tiah a chim chap.

“Tahchunhnak ah,” Covid-19 zawtnak a hnu bik thi a simi cu thawchauh aa harhnak hi a luan ciami nithum khan a rak si cang. Malaysia ram ah Covid-19 zawtnak a ngeimi zatuak in 60% cu tabligh thlacamnak in zawtnak aa chawnhmi an si. Ka kawl hna lai zawtnak kan chekter hna lai tiah Dr Noor Hisham nih a ti.