MCO Chungah Dantatnak Kong He Pehtlaiin Thawng Dik Lomi

Malaysia cozah nih MCO (Movement Control Order), an tuahmi ah lengchuah, minung pakhat lawng in mawtaw cit/mawngh, mask hruk lo, tbk ruangah dantatnak Rm 100, Rm 200 or Rm 300 liam ding timi kong he pehtlai in thawngpang dik lomi fianternak an hun tuah.

Mawtaw le minung pakhat naktam mawtaw an iciit ahcun Rm 300 dantat na si lai timi le hmaihmup (mask) hruk loin lengah a chuakmi cu Rm 200 dantat an si lai timi thawngpang cu a dik lomi a si tiah Malaysia palik nih alnak an tuah.

Penang, Kepala Batas siin in Covid-19 zawtnak a ngeimi Indian miphun minung 4 hna cu an zam timi thawngpang zong a dik lomi a si tiah palik nih an langhter.

Rawlka thawt lo le rim chia theih phun in um zong khi Covid-19 zawtnak muisam a langhtertu symptoms phunkhat an si ve timi cu thawngpang dik lo a si tiah Health Ministry an langhter.

Cun Sungkai Lui, Sungai RamalĀ  Dalam, Sungai Merab le Jalan Kebun areas pawl hna cun Covid-19 zawtnak a tam biknak hmun an si hna tiah Selangor National Security Council nih an langhter timi thawngpang zong a dih lomi a si tiah The Selangor Menteri Besar’s zung nin an langhter.

Mah bantukin MCO caan chungah palik pakhat khat nih liam ding dantat awk phaisa an in hal ahcun palik hman an si tak le tak lo, hngalhnak caah an palik sinak cardĀ  kha ttha tein hal khawh an si.