(Covid-19, Tuchun), A Zawmi An Karh, A Thimi 3

Malaysia ram chungah Covid-19 zawtnak cu karh cuahmah rih caah ralrin peng hau ko. Nizan ah zawtnak ngei minung 172 a i chap, tuchun ah minung 235 an i chap than. Atu tiangah mizaw cazin 2031 a phan cang.

Covid-19 zawtnak in a thimi, nizan tiangah minung 20 an si. Tuchun ah a thimi minung 3 an i chap than. Kum upa deuh ngawt an si.

Covid-19 zawtnak in atu tiangah a dam than cangmi  minung 215 cu an si ve cang, mah chungah tuchun i a dammi minung 16 an itel.

Dr Noor Hisham nih a chim bangin a voi 21nak Covid-19 zawtnak an hmuhmi pa cu a thi, kum 63 a si i Tabligh thlacamnak i aa tel vemi asi. Cun amah cu chronic dam lonak ngeimi a si.

March 23, Alor Setar um, Hospital Sultanah Bahiyah siin ah an chiah i tuzing deihlan  suimilam 4Am ah a nunnak a liam.

Cun a dang minung pahnih a thimi hna cu pakhat cu kum 48, Johor ummi a si, Sri Petaling Mosque Tabligh i thlacamnak ah aa telmi a si ve. Cun a dang pakhat cu kum 62, Perak ummi a si. An pahnih in chronic dam lonak a ngei veve mi an si.

A herh tuk lo ahcun leng chuah lo ding, inn chungah um ziar a ttha bik. Inn leng chuah hnihkhat caan ah Hmaihup hruk philh lo ding. Kut thiang tein tawl le alcohol in kut i thuh lengmang a ttha.

Malaysia ngamdamnak lei thiamsang a simi hna nih April thla canceo hrawng zawtnak ngei case a karh ning a san bik caan a si kho tiah an ti.