UN Ah Nauchuak Thar Benh, Card Thiciami Nunter Le A Danddang Kong Tawi

Atu lioah, Nauchuak thar le card nithla a thi cangmi nunter than le zung kong he pehtlai in tlawmpal ka van langhter than, a halmi tete zong nan um pah hna caah.

Zapi nih kan theih cio bantukin, Malaysia cozah nih lockdown an tuah chung vialte cu ahohmanh nih zeituah awk a tthat lo bantukin atu ah lockdown cu cozah nih 100% in an on cang tinak siloin August thla dih tiang an nemter deuh tinak lawng a si caah UN zungpi zong khar a si peng rih ko.

Nauchuak thar benhnak kongah cun atu tiang on a si ri lo (benh an ngah rih lo), cu hlan bantukin zung on tthan a si te tikah thawngthanhnak an tuah than te lai. Zung ah va kal i hlathlainak tuah zong atu lioah cun a tthahnem lai lo. (theihherh: nauchuak thar benh a duhmi nihcun birth certificate i ken hrimhrim a hau te lai).

UN Card a thi cangmi nunter than a duhmi hna zong atu tiangah cun zung ah va kal a ngah rih lo, hlathlainak va tuah zong a tthathnem rih lai lo caah kal rih lo ding.

A si nain, zung cu a hlan bantukin on than a si tikah card nunter than a duhmi hna cu nauchuak thar benh a duhmi hna hlan ah papek (Oo-sa-pe) in tolrel piak an si hmasa te lai. Cu hnu ah nauchuak thar benhnak kong cu tolrel a si than ve te lai.

Lockdown hlan ah ramthumnak kal ding a rak si ko nain leet than a tongmi pawl hna cu, medical checkup na tuahmi nithla a thih cang a si ahcun (a hlei in US kal dingmi) thi-chek dingin kawh-auh nan si than te lai, amah belte zeican a rauh lai theih a si rih lo.

Canada ram kal dingin form phih/interview tuah tu cu IOM nih tlawmpal tete in a thok pah cang, form phih/interview na tuah dih hnu ah Canada ram kal khawhnak interview na phi than te lai.

Australia kalnak kong he pehtlai in le a dangdang an process kongah cun zei thawngpang hmanh a u rih lo caah lungsau tein hngah a hau rih lai.

UN zung chung um, department cio hna zong atu tiang ahcun zei rian hmanh thok a um rih lo i zung khar a si rih ko caah lung awtawmnak um lo tein hngah khawh cio i zuam hram hna usih.

Theihternak: Mah ka ca hi online website in copy tuah sian a si lo, nain pumpak timeline incun share tuah khawh a si.