July Thla Chung, Ramthumnak (US, CA le AUS) Kalnak Kong Thawng Bultan!

Atu lio cu zawtnak tlangrai ttha lo ruangah Zunglei riantuannak zong a fum pinah ramthumnak kal zong a pit ti awk tluk in a hun har ngaingai ko. A si nain, ramthumnak a kal khomi tlawmpal ka vun langhter than.

Mi tampi nih ramthumnak kal a pit tiah a ruahmi zong nan um men lai, July thla chungah ramthumnak (USA, Canada le Australia) ram ah a kalmi dihlak ah minung 104 an si hna.

Australia ram ah a kalmi belte minung pakhat lawng a si, July thla ni 4 ahkhan nupi pasal i kawhauhnak visa in a mah telawng kalter a rak si. Cucaah, Australia ram kalnak kong le a dangdang process kong he pehtlai incun atu tiangah riantuan hram thok a si rih lo. August thla dih hnu ahkhin a zeizei tal aa fiang te hnga maw tiah hngah a si rih ko.

Cun, USA ram ah a kalmi dihlak minung 33 an si hna, mah chungah Chinmi minung 15 itel a si. A tangmi cu Rohingya ralzam an si ve hna. Canada ram ah a kalmi bel US nakin an tam deuh, a dihlak ah minung 70 an si, Chin ralzam itel a si lo.

A ra laimi August thla chung zongah US le Canada ram ahcun a kal dingmi um than a si ko, tlamtling deuh in langhter khawh ka vun i zuam than te lai.

Theihternak: pumpah timeline lawngin share kan sian, website incun kan siang lo.