Victoria (Australia): Nihin Covid-19 Thawngpang Update!

ACCEM le Each Clinic hna ibawm in ACC office ah Covid-19 screening test tuah cuahmah lio a si. A duhmi nih zanlei 2:30pm tiang test khawh a si lai. Minung tam nawn nih an tuah cang. A rami cungah kan ilawm. Test cio khawh I zuam hna usih. Test a tuahmi nih Ni 3 chung leng chuah lo ding a si lai.

Ṭumlei kan phanh cang lai tiah kan hong karh tuk hoi ai! Nihin hi zawtnak a san cem ni le a thimi an tam cem ni zong a si. Victoria State ah minung 100 leng kan kai ni zong a si.

▪️Zawtnak hmuh tharmi minung 723
▪️Nihin lawngah a thimi minung 13 (kum sawm 70 cung an si hna)
▪️ Victoria state chungah a thimi dihlak 105

Ralrin peknak: ngandamnak phung zulh duh loin dantat tharmi hi minung 88 an si. Cu hna ah aa telmi cu;
▪️Minung 26 hi hmur huh lo ruang
▪️Minung 4 hi siothlak ah lamhlatnak deuh Geelong ah kal aa timmi
▪️Minung 6 hi hmunkhat ah zudin ti in TV an rak zoh, police nih an va fuh hna lio ah
▪️Minung pakhat hi a umnak hmun in 33km aa hlatnak ah a kal (The Guardian).

Zulh phungthar;
▪️Zarhpi zanṭim in Vic. State vialte in hmur-huh dih ding
▪️Zawtnak positive a simi poah cu na inn ah ADF nih an rak in fuh hna lai (Nizan thanhmi)
▪️ADF nih Inn fuh tikah na um lo ahcun Police sinah theihter nan si lai.
▪️Nizan ah inn fuhmi hi inn 269 an si.

Siaherhnak he,
ACCEM

Chirhchan;
Andrews, D., 2020. ‘“ Latest Press Conference : COVID 19 update in Victoria State.” July 30,2020