Sungai Buloh Thonginn Ah Laimi Thongtla Thawngthanh (Malaysia)

Chin ralzam a simi chungin Malaysia ram ah thong a tla nain a umnak thawngpang hlat khawh a si lomi le kawl khawh lomi um theu a si tawn.

Atu ah Malaysia Lahwahka (Immigration) nih ramdang thongtla an erhnak hna Sungai Buloh thonginn ah kan laimi chungin minung 4 hna zong an itel ve tiah Sungai Buloh thonginn a kalmi Kawi Kam (Lungler) sinin kan theih.

Cu hna cu, Bawi Hngak (T.T. Farrawn), Khamh Ceu Hmung (Hakha) Body No. 32001855, No Cung (Lungler), cun pakhat cu Thantlang peng Van Zang khuami asinain a min fiangin theih a si lo (Pendeih tiin a hawile nih an kawh).

No Cung (Lungler) cu a chungle nih ttha tein an ton khawh i a chuah khawhnak dingah an tolrel piak lio a si tiah kan theih.

Bawi Hngak (T.T Farrawn) belte hi a thongtlaknak min theih khawh a si lo caah CRC zong nih Sungai Buloh thonginn ahcun an rak hlat nain an rak kawl kho lo.

Cun Khamh Ceu Hmung (Hakha) le Van Zang pa belte cu an khuami nih asiloah an chungle nih an ton cang hna le ton cang hna lo theih an si lo.

Mah thongtla kongah thawng a kan thanhtu a si mi kawi Kam (Kam Lian Thang) cungah kan ilawm tuk. Thong a tlami hna ca zongah thlacamnak in rak bawm cio hram hna uh. Fiang deuh in hlatnak 017 269 0877 (kawi Kam).