Australia Thi-cheknak Tuah, Kawhauh Hram Thok A Si Cang!

Atu lio, Covid-19 tlangrai ruangah Australia he pehtlai in ralzam riantuannak cu MCO chung vialte (March thla canceo thok in August thla hramthok tiang) cu rak ngol chung a rak si.

Mah chungah hin Australia kal dingin thawng rak thanh ciami hna zong leet than a rak tongmi an um hna. Cu lawng siloin visa a la cangmi hna le thi-cheknak a tuah cangmi hna zong nan um hna nain tlangrai ruangah riantuannak cu ngol chung an rak si.

Ralzam thialkamnak he pehtlai in riantuannak cu US le Canada ram ca lawnglawng ah punghman in pehzulh an si. Australia ram telhin a dang ramthumnak paoh cu ngol chung an si rih hna.

A si nain, Australia he pehtlai in ralzam thialkamnak riantuannak kongah Malaysia IOM nih thi tet-dan a dih cangmi hna kha usape in kawhauh hram cu (11 August, 2020) in a thok ve cang.

Atu lioah Australia ram cu zawtnak tlangrai a karh ngai lio a si caah, ralzam cohlan le ramchung luhternak kong cu fiang in theih a si rih lonain, October thla chung ahcun ralzam minung zeimawzat (a hlei in kal ding leet a rak tongmi hna le visa a ngah cangmi) hna cu kal khawh a si te lai tiah zumh a si.

A si nain, zei dang process le Tanzung riantuannak tu cu zeitik ah thok a si te lai ti hngalh khawh a si rih lo. Thawngpang fiang a um than tikah fiang deuh in langhter khawh ka rak i zuam than te lai.

Theihternak: Pumpak timeline lawng in share tuah kan sian.