Israel nih Hamas Cu Fak Taktak In A Lehrulh Hna

Israel ralkap nih Cawnnithum ni zing ah Gaza Strip hmun tam nawn cu kan kah hna tiah ralkap lei biachimtu nih a chim.

Kan kahnak hna a ruang cu a luan ciami ni tam nawn ahkhan mei kanghnak a chuahter khotu pupuhlut (balloons) hna cu Gaza in Israel ram chungah an rak thlah/zuanter hna caah a si.

Mei kanghnak a chuahter khotu Pupuhlut (balloons) an rak thlah/zuantermi hna ruang ahcun Cawnnihnih ni ah thlanglei Israel ran hmun 60 hrawngah meikanghnak a chuahter.

Israel nih kan kahmi hmun hna cu Hamas hrambunh ngiatthlainak an tuahnak an sakhan, vawlei tang i an sakmi sakhan le an ralkap umnak hmun hna ah an si.

Israel ram ralchanh in ralhrang cawlcanghnak phun a simi paoh cu fak taktak in lehrulhnak kan tuah hna lai. Cun rammi harsatnak pek a timtu a simi paoh cu pehzulh in a herhmi lehrulhnak kan tuah lai tiah ralkap biachimtu nih a ti.

Israel ram hruaitu Benjamin Netanyahu nih   mei kanghnak phurtu balloons Hamas nih kan rsm chungah thlah a ngol lo ahcun lehrulhnak fak kan tuah hrim hna lai.

“A luan ciami ah fak taktak in Hamas, Gaza Strip cu kan rak kah cang, atu zong a hlan bantukin kan tuah than hna lai,” tiah Cawnnihnih ni zing ahcun a chim.