US Kalnak Kong Thawngpang Ttha Kan Hrawmh Hna

Atu lio vawlei cung thawngpang le thil sining ruangah ramthumnak kal le ralzam riantuannak zong fak ngaingai in a hung zor. Mi tampi nihcun ramthumnak kal hna cu a um rua lo tiah a ruatmi zong rak um khawh a si.

A si nain, kan hnung thla ah ka rak thanh cang bantukin US le Canada ram ahcun ralzam a kalmi um lengmang a si ko. July thla chung ramthumnak kalmi, a tang hi hmet>>>>>

July Thla Chung, Ramthumnak (US, CA le AUS) Kalnak Kong Thawng Bultan!

A cung tlang ka tar bantukin US nih August thla le September thla chungah ralzam a lak dingmi milu a vun karhter ngaingai. September thla cu US cozah nih kum khat ca federal budget an rel donghnak thla a si bantukin ramchung ah  ralzam tam cem an luhter hna caan/thla zong a si tawn.

October thla incun kum vui ralzam an cohlan/laak than dingmi milu zat President Donald Trump nih min a thut than cang lai.

Malaysia ram um, ralzam chungin (Tukum) September thla dih tiangah US a kal dingmi milu zat cu minung 200 in 300 karlak a si lai. Mah chungah ahhin thi-cheknak aa tuah cangmi hna caah cun thawngpang ttha ngaingai a si ko.

Cucaah, US kal dingin thi-cheknak aa tuah cangmi nan si ahcun phone tlaih daithlang lo a hau lai. Ngakchia nonal deuh a ngeimi hna zong nih fale ngandamnak ah ralrin le zohkhenh deuh a hau lai. Dam lonak thil hme tete a simi mit fah, tlangrai, taksat, khuh, tak bo, tbk ruangah leet nan ton sual ahcun US cu nan theih cio bantukin caan ttha hmuh than a fawi lo ngaimi a si caah ralrin a ttha.

Theihternak: pumpah timeline lawngin share kan sian, website incun kan siang lo.