Malaysia, Ralzam Pumhkhawmhnak Kong Kan Halmi Hna An Kan Leh Cang

Ralzam pumhkhawmhnak kong biahalnak ka tuahmi cu tuzing ah Malaysia UNHCR a lu bik nih lehnak a rak tuah cang.

Keimah nih ka halmi ahcun nizan ah Chinmi biakinn on thannak ding caah Ministry of National Unity lei nih zul dingmi SOP an rak ka kuatmi he pehtlai in UNHCR ah ruahnak ka hal hna. UN lei nih an ka chimmi cu biakinn kong cu kanmah kan rian a si lo i cozah nih chuahmi nawl tu kha zul ko u tiah an ka leh.

Cozah he lawngin aa pehtlaimi a si caah UNHCR lei nih cun yes or no ti le zulh dingmi phunglam kan chuah kho lai lo. Nanmah tu nih cozah phunglam hna kha ralring tein rak zul ko uh tiah an ka leh.

A suallam cu Malaysia um Chinmi biakinn on than khawh a si cang tinak a si. Natein, kan on than tikah theih a herhmi hna pawl cu SOP zul hrimhrim ding kha a biapi ngai.

Biakinn chungah social distance nan tuah lai i aa tlum lomi cu inn ah tin ding a si ko lai. A hlan a rak i pum tawnmi milu cheu thum ah cheu khat hrawngin thawk hmasa sisehlaw a tha lai.

A lutnak kutka ah min tialnak le thermometer chiah in khrihfabu upate nih tuanvo lak a hau ko lai. Min cazin le phone number pawl biakinn chung lut lai ah tial hrimhrim a hau lai.

Music tu kha cu thang tuk loin tum sirih sisehlaw a ttha lai. Pum dih ah biakinn hmai hawi le kom i hngak in a bubu in um lo ding. Pawngkam i complain an tuah sual ahcun zeitihmanh in tuanvo lak khawh a si ti lai lo.

Kanmah ACR tang i ummi biakinn pawl caah cun a rauh hlan ah Ministry of National Unity i pekmi SOP cu kawlca in kan kuat dih hna lai i zul hrimhrim a hau lai. Kan mipi le kan i dornak kan biakinn pawl himnak caah a si.

Theih dingmi cu SOP zul lo ruangah dantatmi cu zeitinhmanh in tuanvo i lakpiak khawh a si lai lo.

Chin mi Pathian nih rak kan um pi ko seh!

Dawtnak he,
ACR Chairman
James